OIL SPILL SA ESTANCIA!

E-mail Print PDF

Ni Ime Sornito

Probinsya sang ILOILO – Natapna na ang oil spill nga nagluntad sa baybayon sang Estancia, Iloilo gani nga wala na sang dapat kabalak-an ang mga mangingisda kag residente sa norte nga bahin sang Iloilo.

Kahapon gin-anunsyar na ni Philippine Coast Guard (PCG) Western Visayas District Commodore Athelo Ybañez nga natapna na ang oil spill kag nagapadayun naman ang ila pagpanglimpyo.

Nahibaluan nga ang power barge sang National Power Corporation ang nakabunggo sa batohon nga higad-baybay sang Estancia sang nagligad nga Nobyimbre 8 kadungan sang pagwaswas sang bagyo Yolanda.

Ang nasambit nga power barge ang nagdungka na kontani sa pier kon sa diin nagakarga ini sang 1.4 milyon ka litro sang bunker oil.

Bangod sang mabaskug nga balud, nahalitan ang power barge nga nagresulta sang pag-leak sang 200,000 litros sang bunker oil.

Bilang kabahin naman sang ila aksyon batok diri, ang PCG ang nagpalapta man gilayon sang oil spill boom sa baybayon sang Estancia agud nga matapna ang paglapta dugang sang gatong./H