Kusinero
ginbuno, patay!
Ni FELIPE V. CELINO
Syudad sang ROXAS – Nasapwan na lamang
nga patay na ang chief cook sang isa ka restaurant diri kahapon
sang aga kon sa diin may pilas ini sa dughan.
Ginkilala sang kapolisan ang biktima sa kay
Romauldo Herman, 29 anyos, sang Brgy. Mianay, Sigma, Capiz
kag chief cook sang isa ka restaurant sa dalan Magallanes
diri.
Gina-alegar nga ginbuno ining biktima sang
iya man lang kaupod nga si Roberto Fuentes, nga yara naman
sa idalom sang makahulubog nga ilimnon sang na-aresto sang
mga polis.
Suno sa report, nagapapuli na ang biktima
sa iya boarding house sa dalan San Roque sakay sa motorsiklo
sang ginbanggaan ini sang suspetsado kag ginbuno.
Suno sa kapolisan, tigayon pa nga nakabalos
ang biktima apang nalutos ini sang suspetsado.
Napatay ang biktima pag-abot sini sa Saint Anthony College
Hospital bangod sang naga-isahanon nga patal nga pilas sa
dughan.
Ang suspetsado na-aresto naman sa ginpatigayon
nga follow up operation kag yara naman subong ginabulong sa
Roxas Memorial Provincial Hospital bangod sang pilas sa liog.
Samtang, ginpanginwala naman ni Fuentes ang
nasambit nga krimen. Siling niya nga ang pilas sa iya liog
ang tuga sang pagka-aksidente niya sa motorsiklo./H
|
