Alagang Customs officer ng big-time Hong Kong national makikilala na!

POSIBLENG magkaroon ngayong linggo ng “sibakan blues” sa mga CUSTOMS officers sa Mactan Customs under Collector Rene Benavides, particular na sa ang naka-assign sa Arrival Area, Passenger Service under Collector Fe Llueyen Toring.

Nakarating daw sa kaalaman ni Customs Commissioner Napoleon Morales na may malaking nangyaring “anomalya” sa pagkakasakote ng HK$1 million or P5.6 million na dala-dala ng big-time Hong Kong tourist national na si Zhang Ji Feng sa Cebu Mactan International Airport.
Kaagad nag-utos ng mabilisang pag-iimbestiga si Customs Cebu District Collector V1 Atty. Ronnie “RS” Silvestre kay Legal Division Chief Atty. Edward James Dy Buco at Customs Mactan Sector Commander Capt. George Macarubbo kung bakit nakalabas na ng bansa ang ‘misteryosong’ big-time tourist Hong Kong national na si Zhang Ji Feng.

Base sa panayam ng ESPY kay Collector Silvestre, sinabi niya na halos apat o limang beses sa isang buwan kung dumarating si Zhang Ji Feng sa Pilipinas particular na sa Cebu.

Ayon pa sa ‘bubuyog’ ni Collector Silvestre na nauna nang nag-imbestiga, bakit kaya SASALTO ang magagaling na Customs examiners eh nang kinumpiska ang dolyares na dala-dala nitong Feng ay hindi isinamang kinumpiska ang PASSPORT. Bakit?

Isang trillion katanungan: Bakit? Sila lang ang nakakaalam…

Sabi nga ng ‘bubuyog’ ni Silvestre (take note) maraming pagkakataon upang makumpiska ang PASSPORT, eh BAKIT HINDI NILA GINAWA?

Ang matindi ay kapag nakuha ang record sa Immigration at napatunayang apat or limang beses sa loob ng isang buwan kung dumating itong si Feng sa Pilipinas na ang paboritong puntahan ay Cebu at sa “tuwi-tuwina” ay may dala-dalang DOLYARES na sinasalubong ng ALAGANG CUSTOMS OFFICER.

Sa palagay ng ESPY, hindi na mahihirapan si Atty. Dy Buco at Capt. Macarubbo sa pag-iimbestiga DAHIL IILAN LANG SILANG DUTY EXAMINERS.

‘Di ba, Tatay Rudy? May iba pa ba?

Ito pa ang isang matindi. HINDI LANG DAW ONE MILLION HONG KONG DOLLARS ang dala-dala nitong si Feng, HIGIT pa!

BOW!
Abangan…
(Pwede kayong mag-email para sa inyong mga reaksyon at sumbong sa del.orate@yahoo.com.)/PN